平凡人的遊戲規則

轉載自: 脫苦海

 

作者網誌：http://blog.tokuhon.org

http://notcomment.com/wp/?p=2669

 
 

平凡人的遊戲規則

 

曾幾何時「求學不是求分數」成為教育界的一句口號，之後Hea的文化就開始普及。考試唔係一切，唔係咁重要姐！引伸出來，有些人返工只係為出糧，工作做成點，有沒有成績已經變成次要。

考試考得好，無乜大不了。考試考得唔好就應該係更加無乜大不了，而不是了不起。家下ｄ人講到，我讀書唔成，首富又係讀書唔成，所以我就係首富。

呢個世界有少數人在各方面有天份，劃畫叻的可以係黃玉郎馬榮成，但係果ｄ只係《女皇的教室》中的馬場同學，學女王話齋，你劃畫，賣唔晒咁點算？你踢波，莫講入到J League的人唔多，就算比你入到，受左傷咁點算？

幾十年前就算無讀過書，有門手藝已經可以創業興家。相反十幾年前如果畢業畢得遲，或者出黎做野做得遲，已經可以差好遠。今時今日你就算有創業資本，都未必可以成功。同做生意或者投資比，讀書考試同打工真係易好多。做生意或投資，無syllabus，無mock exam，無model answer，甚至照足前人咁做都未必work。

今年才畢業的小朋友，容易行的路唔去行，難行的路又唔想行，在香港呢個成熟社會根本就無乜機會。無錯可以靠個人的天份闖出新天地，莫講話成唔成功，就算成功過程也十分艱難。中學讀五年得堆蛋，剪翅偽進一兩年可以補五年之功，不如小學畢業就讀喇！駛乜花五年姐！新加坡教育制度都係一早分流喇！

考試可以囉零分，根本就係一種對人生放棄的態度。當一個人認為乜野都唔重要的時候，呢一個人本身都已經無乜價值可言。呢類人，比份工佢地做唔記得打咭，比個部門佢地管連自己都管唔掂，生一堆小孩子出來，自然用來要脅。

讀書考試，就係比好似我地呢ｄ無天份的人呃飯食，首富是做生意的天才，佢讀唔讀都係天才；我地唔係天才，比心機讀書比天才請喇！

讀書、考試制度、職場，根本就係專為我們這些平凡人而設。